Muni waTsumeb, RFA oshoyo RA vatulapo omukanda udafano twokumwe.

Muni wodoropa ya Tsumeb opamwe noshikefa shomayambidido opashimaliwa meendjila   (RFA)  oshoyo ehangano letonatelo leendjila moshilongo  Roads Authority (RA) onghela metivali okwa saina omukanda udafano twokumwe womido dili 3 oo taukalekepo oku tungulula eendjila dodoropa odo dili monghalo yapumbwa ekwafo.

Tapopi pefimbo loku saina omukanda udafano twokumwe,  oo eli omunambelwa omukulunhu wo , RFA , Ali Ipinge,  okwati ehangano lavo olili tali kalekepo natango elitulemo lalo moku xumifa komesho omayambulepo eendjila doshilongo osho tashiningwa okutwa epepe omalelo eedoropa akalekepo eendjila dao dili monghalo ina outalelo.

“Okwati RFA  momudo ou woneudo ota ika yandja oshimaliwa shifike pee   N.dollars 19.9 million  shanuninwa omudo  2024/25,  omanga   N.dollars 20 million tashi kayandjwa pefimbo lo  2025/26 opo shikwafele Muni alongulule odjila yoHage Geingob Drive, oyo yakwata eekilometa  2.1  taihangwa okuya mo  Tsumeb okudja kOtavi,”

Ipinge tapopi natango kutya,  ondjila ya Namutoni  oyo yakwata ee kilometre dili 6.8 kilometres,  yakwatakanifa nondjila yaTsumeb okuya kOshivelo oshoyo mondjila yoDr Sam Nujoma Drive, oyo yatalika ondjila yakula mo   Tsumeb,  nayo ota ikakala yoo yamona ouwa woku longululwa.

Okwati momido 2.5 daka dilongela,  Oshikefa osha longifa oshimaliwa shifike pee N.dollars 104 million okuya fiyo  N.dollars 216 million, osho shili eluulikemo lasho kutya,  oshili shelitulamo moku eta elunduluko meendjila domo doropa.

Conrad Lutombi, eli omunambelewa omukulunhu wo RA moshipopiwa shaye osho shaleshwa ponele yaye okwati,  oveli tula kumwe no RFA oshoyo muni waTsumeb  moku eta elunduluko meenghalo nawa dovakalimo vomo doropa.

Okwati okuudite ehafo moku yambidida elongululo leendjila odo dili dafimana komudingonoko.