Elelo loshilando sha Windhoek ola li launganekela ovakulupe omusha woChristmas .

Elelo loshilondo sha Windhoek metitatno ola li launganeka omusha wokomudo wokudimbuluka oshivilo sho Christmas shanuninwa ovakokele.

Ovakokele ovo vali veya otaku lopotwa vatofwamo okudja moikandjo hoololo aishe ili 10 moshitopolwa shaKhomas.

Tapopi pefimbo loshiindingili shanuninwa omusha wovakulupe  wali waningilwa moHall yaaveshe taihangwa moshikandjo hoololo  shaTobias Hainyeko, mayora welelo loshilando sha Windhoek , Queen Kamati, okwati,  oshiindingili osha kwatelwa komesho koshikefa sho Windhoek Residents Mayoral Trust,   shili enghendabala dokuulikila nghene ovakulupe ovo luhapu havakala meenghalo doku likalela veuye pamwe noku tyapulila pamwe unene tuu pefimbo eli lexulilo lomudo.

Okwati okuufana ovakulupe veuye pamwe,  oshili yoo edidiliko loku vaulikila olupandu momawedelepo avo oo havayandje kovanyanyamaulu nomoshiwana.

Vahapu vomo vakulupe ovaulika ehafo lavo kwaasho elelo loshilando leva ningila noku vapa yoo omaano o Christmas,  osho tava ti kavali veshiiteelela.

Ovakulupe tava halele omayambeko elelo loshilando mwaasho levaningila tava pula vatwikile nokushiningila yoo vakwao natango.

Elelo loshilando sha Windhoek olili hali unganekele alushe ovakulupe oshivilo sho Chrismas keshe komudo.