Omwiihongi omuTanzania oo ali umwe waavo vakwatwapo kongudu yoHAMAS naye oshakolekwa kutya okwa xulifa.

Omwiihongi omu  Tanzania oo kala alopotwa ali umwe womwaavo vali vakwatwapo ombabjona kongudu yo Hamas okudja mo Israel, osha kolekwa kutya okwadipawa.

Epangelo la Tanzania momukanda oo lapitifila oikundaneki oshivike eeshi olati , omwiihongi oo atumbulwa nedina kutya oye Joshua Mollel,  moshilongo Israel okwa hangwa opo eyamo onga omwiihongi oo teli deulile oilonga moshikondo shounamapya,  pefimbo oshilongo shali shaponokelwa kongudu yo Hamas kovalumenhu vahomata mo  7 October.

Minister  woikwapondje mo Tanzania ,January Makamba tapopi kutya Mr Mollel otashuulike a li adipawa momafiku ashike mashona konima eshi vali vakwatwapo.

Otakulopotwa yoo omwiihongi mukwao Clemence Felix Mtenga , naye adipaelwe moshiponokela shafaafana kuyele.

Olopota oyati olutu la Mr Mollel olakala oule wefimbo lili momake ongudu yo Hamas.

Ovalihongi va 2 vaTanzania ovahangwa vaningamo ashike oule womwedi mo Israel , konima eshi oshilongo sha ponokelelwe mo  7 October .

Otakutiwa ovali oshitopolwa shovanhu vefike   240 ovo vali vakwatwapo ombabjona kongudu yo  Hamas.

Shelikwatelela kepangelo laTanzania olati, ova Tanzania vefike lunga po  350 ovakala veli mo  Israel, vahapu vomuvo veli ovalihongi moshikondo shounamapya.