Oikakofimbo yopatatu moshikondo shelongo lopedu otashidulika yaalulwe, Steenkamp tati”

Ouministy welongo lopedu,  ounghulungu nomifyuululwakalo owati, ota utale keenghendabala dokwaalula oikakofimbo yopatatu yomafudepo momulandu welongo.

Edi oda popiwa onghela kwao eli omunambelewa omukulunhu mouminsity welongo lopedu ,  pefimbo leenghundafana odo ali mudo nondjonghunda yoradio yomudidimbe yopashiwana onghela.

Okwati omulandu welongo owali wafininikwa okutulapo oikako fimbo yopavali mo 2021 , onghalo oyo tati oyali yaetififwa ketukuko loudu wombuto yo COVID-19, oku kwashilipaleka eameno lounona meefikola.

Okwati nonande euyepo loikako yopavali ola li latalikila mouwa wounona, osha eta yoo omakemo mahapu mokati koshiwana.

Steenkamp, pefimbo leenghundafana teshi yelifa kutya,  nonande eenghendabala dokwaalula omulandu womafudepo oikako yopatatu watalika nomesho amanamo okwati,  okuna yoo oku diininwa noku ningilwa omalunduluko momilandufinda dimwepo omo mwakwatelwa ngaashi efimbo loku tameka eetundi,  opo kuhenukwe ounona tava dimbuka efimbo lomaufiku, osho tati kashifi etokolo lipu oku ninga.

Okwati Ouminsity ota uka teelela omapekaapeko  nomawedelepo okudja     kokangudu kelelo lopashiwana oko kenasha  nokuyandja omayele  kouminsitry,  opo udule oku tula moilonga omafaneko tokolo, noku shiivifila oshiwana kombinga yaasho shadiminwapo.