Martin Lukato wo National Democratic Party (NDP) ahoolulwa natango aninge omuwiliki wongudu.

Omuwiliki wongudu yo , Martin Lukato, okwa lopotwa ahoolulwa natango onga omukwateli komesho wongudu.

Lukato okwa lopotwa ahoolulwa okupitila moshongalele shotete shongudu yavo okudja nghene yatotelwepo, pefimbo loshongalele osho shali shaningilwa ko Katima Mulilo.

Pefimbo loshongalele David Mwilima naye okwa hoolululwa onga omutivali president wongudu omanga  ovo vakala noshinakuwanifwa shouhamushanga wongudu, omupedu hamushanga omunashipundi wopashiwana, omutuvikili wemona, omupopiliko wongudu oshoyo omuxwaxwameki nomukwatakanifa navo vaalulilwa oinakuwanifwa yavo.

Olopota oyati eemito dikwao ngaashi oyo yokuyandja omayele paveta, omito yevava lovakainhu, ovanyasha, elelo lopashiwana oshoyo omito yevava lovakulunhu doo ota kulopotwa damona oilyo ipe.

Lukato pefimbo tayandje olupandu moshinakuwanifwa shoku kwatela komesho ongudu, okwa twa omukumo ovakwateli komesho vongudu valonge noudiinini nokutula ongudu pamufika wopombada.

Tadimbulukifa oilyo yaye kutya ongudu yo  NDP oililepo oku kwafela oshiwana osho shihena ewi lokutyasha.

Omunashipundi wo NDP  Sario Sambandala naye okwa pula ovakwateli komesho vakwao vongudu veli tulemo mokweeta elunduluko moshiwana.