Coach woshipaana yokatanga kokeemadi yopashiwana Collin Benjamin, okwa ulika elineekelo moudano wekopi lo AFCON.

Coach woshipaana yopashiwana yokatanga kokeemadi moNamibia, Collin Benjamin okwati,  nonande oshilongo shili mongudu yoilongo oinanghono  moudano wekopi loiwana ya Africa  (AFCON), onghee vena elineekelo loku shipondola.

Oudano wekopi lo AFCON 2023, oo taudanenwa ko Ivory Coast,  ota kutiwa ouli metifa nota udanenwa moilando ili 4 oyo tai hangwa oupale ovo tava danenwa  moshilongo ashishe nokwa teelelika ukaxule mo 11 February 2024.

Pefimbo loshongalele osho ali aninga noikundaneki onghela omandaxa, Benjamin okwati nonande vena eshiivo kombinga yovakondjifi vavo moudano, osipaana yaye oya longa noudiinini oku taalela oudano noveli longekida okweeta oidjemo iwa.

Okwati oilongo oyo veli mongudu imwe naNamibia ngaashi “Tunisia na Mali oina ovadanauki ovo hava danene moilyolongo yenenedu la Europe,  omanga  Namibia na South Africa vo vena ashike ovadanauki vena eeshiivo lokudja meni loilongo,  ashike okwa ulika elineekelo loku findana.

 Benjamin tawedapo kutya nonande veli mo group idjuu omo tamu hangwa  South Africa, Mali na Tunisia, elineekelo lavo ololo kutya , ovena oku shipondola.