Kamusela gwa Oniipa Vilho Nuunyango otindiile aanangeshefa opo ya yambidhidhe aalongwa naailongi

Nuunyango okwa ningi oonkundathana no Nampa sho a gandja uututa waakadhona 6 000 kooskola dhili 8 ,koskola ya Oneputa Combined School moshikandjolongo Oniipa ohela.

Tati aanangeshefa naya yambidhidhe aalongwa niiyakulitholongo niipumbiwa yilwe yopetameko,unene petameko lyomumvo.

Tati shika otashi kala ompito ombwaanawa okutsa omukumo aalongwa ,yo yeesheendithe nawa momailongo gawo.

Kamusela okwa gandja uututa ko  Oniipa Primary School, Omwandi Gwelago Primary School, Omukwiyu Gwemanya Combined School, Oshilulu Combined School, no  Onampadhi, Oneputa, Onalulago na Onzinzi combined school.

Nokwati ooskola  5 dhoka dha hupako otadhi ka yambidhidhwa omanga omumvo inaagu poka,noya thaneka okuyambidha ooskola odhindji omumvo taguya.