America a tulilemo Iran oondjindikila

America okwa tseyitha oondjindikila oompe ohela tadhi lalakanene o Iranian Revolutionary Group , sho Washington tiilongekidhile oshikonene sha landula oshiponokela sho drone shoka sha dhipaga aakwiita ye ya 3 mo Jordan osondaaha,shoka sha pelwe ombedhi oongudnu dhuukulo tadhi yambidhidhwa ku Iran.

O US Treasury Department oshati otashi tulilemo oondjindikila aanambelewa ya 6 mo cyber electronic command yo Iranian Islamic Revolutionary Guard Corps omolwa iinyangadhalwa tayi odheke omakwatathano ga simana.

Metseyitho lilwe,oshikondo osha gwedhako wo kutya otashi dhenge omakwatathano goku gandja iilongitho nuunongononi wa simana wa Iran woo missile noopolohalama dho Unmanned Aerial Vehicle -UAV.

Onzonkundana yo AFP oya lopota kutya oondjindikila nomatilitho ngaka oga landula sho omupresitend Joe Biden a gandja ombedhi koongundu dhuukulo tadhi longele mo Syria nomo Iraq okuninga oshiponokela sho drone kokamba ye mo Jordan shoka sha dhipaga aakwiita ye ya 3.

Tuuvaneke kutya ayehe mboka yenamo ombinga oya yamukula pethimbo, nomomukalo ngoka ta hogolola hogolola.