Onghalo younona tava feekelwa valya oikulya ina oudio momuhandjo wofikola ya Augustineum SSS oiliwe nayo metonatelo.

Ounona vofikola vefike po 73 havafikola mofikola ya Augustineum Secondary School mo Windhoek oveli kalekelwa manga nokwali vatwalwa koipangelo shalandula eshi taku feekelelwa valya ouvalelo woikulya ina oudiyo moshondaxa komatango.

Oo eli omukulunhufikola pofikola aapo Rudolf Matengu, okwa koleka oshiningwanima koshikundaneki sho OneAfrica onghela, tati ovanambelewa vouminsity wouhaku ovali veya momuhandjo wounona momandaxa ongula, konima eshi omuvalu wounona va hovela okuu lika omadidiliko veheudite nawa.

Okwati ounona vofikola vefike po 44 oukadona noumati veli 29,  ova hovela okwoombokelwa konima yokulya ouvalelo moshondaxa,  tava keshaulwa momadimo, oshimela voo otava kungu.

Ounona ota kulopotwa vali va twalwa kokapangelona ka Robert Mugabe,  oshoyo koshipangelo sha Katutura.

Matengu okwati ounona mopaife oveli kalekelwa manga momuhandjo wofikola koshi yetonatelo lovanambelewa vouhaku tati oveli meameno momuhandjo .

Okwati kapena oo eli monghalo yanaipala novahongwa aveshe ovo vali vena omadidiliko ovapewa omakwafelo noveli nawa paife momuhandjo.

Okwati oikulya oyo yaliwa kounona oya kufwa oku kaningilwa omakonaakono nomopaife ova teelela oidjemo.

Matengu okwati ovadali vounona aveshe ovo vaningwa oihakanwa ova shiivifilwa nokuniwe elineekelo opo ounona vahovele neetundi davo mongula ngaashi shito.

Eenghendabala doshikundaneki okuuda kwao eli omupedu nambelewa kulunhu moshikondo shelongo Edda Bohn,  ina dipondolasha

Okwa teelelika yoo ovanambelewa voku tonatela omuhandjo vaka shakene noku tala osho tashi dulu okuningwapo opo onghalo yoikulya ihena oukoshoki ikelelwe monakwiiwa.