Aanangeshefa mOshikoto ya yambidhidhwa niilongitho

Ngoloneya goshitopolwa shOshikoto Penda Ya Ndakolo okwati elelo Lyoshitopolwa olya longitha oshimaliwa sha konda N$ 100 000.00 oku yambidhidha aanangeshefa aashona.

Okwa popi ndhoka ohela Pethimbo ta gandja omayambidhidho kaanangeshefa yatano yaza miikandjohogololo ya yooloka moshitopolwa.

Moshipopiwa she okwati osha simana opo aanangeshefa mboka taya nyangadhala ihe ka yena iiyemo ya kwathelwe, yo ya hume komeho.

Ta popi kutya otaya ka kwathela moku gandja iilonga kaagundjuka ooyakwawo noku humitha komeho eliko yoshilongo.

Okwa yelitha kutya oopoloyeka ndhoka dha kwathwa otadhi kala tadhi tonatelwa noku talika ngele iilongitbo mboka ya pewa Ota yeyi longithwa tuu nawa.

Ngoloneya ta gwedhapo kutya okwali kwa gandjwa oompito kaanangeshefa aashona kiikandjohogololo ayihe ya tulemo omaindilo gawo, opo mu tothwe aanelago.