Elelo loshilando sha Windhoek lawedelako komafiku okushangifa ovakulupe tava diminwapo eengunga davo.

Elelo loshilando sha Windhoek ola shiivifila oshiwana kutya omalishangifo enasha noku dimapo eengunga dovakulupe okwa undulilwa komesho

Edi oda popiwa noku yelifwa nawa kwao eli omupopiliko welelo loshilando sha Windhoek Lydia Amutenya, pefimbo leenghundafana odo ali mudo nondjo nghundana yetu yo Future Media news ongula yonena. Amutenya kwati omalishangifo oo ali ena oku xula ngeno mo 15 April 2024,  mopaife okwa undulilwa komesho ko 31 May.

Okwati omalishangifo okwa hovelele mo 15 February 2024,  atulwapo nelalakano opo kudimwepo omikuli domayakulo amuni da taalela ovakulupe melelo loshilando sha Windhoek.

Amutenya tati opaningwa elunduluko pomafiku oku lishangifa efimbo lomafiku oilonga,  omandaxa fiyo etitano okudja po 08h00- fiyo 16h00, tashi kala noku ningilwa ashike pombelewa yo Katutura Customer care,  ndee hamo doropa vali ile kombili ngaashi shakala sha didilikwa nale.

Omunambelewa tapula ovanyasha ovo vena oshisho shovakulupe vatwalwe  ovakulupe pamwe  nomikanda odo tadi pumbiwa ngaashi, Okopi yokamutwe komukulupe,  okopi yondjapo yohombo ngenge omukulupe okuli mohombo, okopi yombapila aayo ta yuulike kutya omukulupe oye mwene weumbo, ngenge omukulupe okuna eenele didulife puimwe naninge eano olo ta luulike onele oyo ahala ikufilwepo eengunga,  molwaasho Muni ota kayandja ashike efilonghenda konele imwe.

Okwati  Ovo veli ponele yamwene wonele axulifa, naku etelelwe omukanda wanakufya tauwuulike kutya pefimbo nakufya axulifa okwa li awanifa omido dili 60.

Nakushangifwa natwaalele okamutwe ile ondjapo yedalo yanakufya yadengwa oshihako shopolifi, ombapila yohombo ngeenge okwali ahombola, ondjapo yefyo, ombapila aayo tayuulike kutya nakufya oye ali mwene weumbo,  tati naku twala ouyelele    naye natwaalele omaufemba aye mwene.Amutenya tayandje ouyelele koshiwana ngenge oshina omapulo awedwapo shidengele ko 061 2903777.