Omupresident wa South Africa nowa Botwana tava katalelapo onele opo pali paningilwa oshiponga shovakwashiwana va Botwana.

OmuPresident Cyril Ramaphosa, opamwe nambushe waye moilonga wa Botswana Mokgweetsi Masisi,  nena okwa teelelika va ka talelepo onele opo pa holokele oshiponga shoBus sha twaalela eemwenyo dovanhu 45 dova kwashiwana va Botwana.

Oshiningwanima shomafyo ota ku lopotwa sha holokele pefimbo loku dimbuluka oshivilo sho Paasa,  osha holoka ponopa ya Mmamatlakala mo South Africa.

Oonakuningwa oihakanwa ota kutiwa ovali oilyo yongeleka yo  St. Engenas Zion Christian,   ovo va hangwa molweendo oku kadimbuluka efyo nenyumuko lomukulili.

Otakutiwa moshiponga omwa li ashike mwa xupa okanona kamwe kokakadona komido dili 8 oko takutiwa pefimbo eli oka tuminwa nale ko Botwana.

Shelikwatelela kovanambelewa mo Limpopo, ovati,  omalutu ashike 8 oo atongololwa fiyo opapa  no malutu oonakuningilwa oihakanwa moshiponga mahapu inaatongololwa natango naashi osha landula eshi obus omo valimo ya haka omundilo nova pilamo filu noita vadulu oku tongololwa.

OmuPresident Ramaphosa opamwe na  President Masisi,  nena ota vaka talelapo onele oyo ili momudingoko wa   Mokopane  nokwa teelelika yoo vakakale vaya meenghundfana,  omanga ina vaya ponele oopo.

OmuPresident Ramaphosa okwali atuma etumwalaka laye lomahekeleko kovanhu voshilongo shaBotswana  shalandula koshiningwanima.