Omukainhu atwa nombele fiyo omefyo omukainhu mukwao koTjiwarongo.

Omukainhu womido dili 50 okwa xulifila ponele yomanwino mo mudingonoko wa Otjiwarongo onghela,  konima eshi taku tiwa okwa tuwa nombele lwoikando ihapu komukainhu mukwao.

Olopota yapitifwa kopolifi moshitopolwa mwaningilwa oshiningwanima oyati,  na kufya okwa tongololwa nedina kutya oye Teresia Ames.

Oo eli omukomesho wopolifi elilepo oshikondo sho ipambele yoshiwana moshitopolwa sha Otjozondjupa  Inspector Maureen Mbeha,  mee nghundafana odo aninga no Nampa nena okwati,  omukainhu eli omufeekelwa womido dili 41 okwa tulwa moipandeko shi nasha no shiningwanima.

Okwati oshiningwanima osha holoka lwopo “15h45 onghela,  sha ni ngilwa poka bar taka hangwa molukanda la DRC,  pefimbo va hovela oku ta nguna noku ya molwoodi.

Otaku hokololwa nakufya ali ena oka kuva kashona pefimbo lo lwoodi,  noku kaponokelifa omufeekelwa osho sha etififa omufeekelwa naye afiwe alongelwa omunyonena moshipala, komesho oshoyo kombinga yo kwooko kaye ko kolumosho.

Mbeha okwati omufeekelwa okwa kufa ombele noku itwifa nakufya lwoikando ihapu,  noku xulifila po shiningwanima.

Okwati omufeekelwa okwa mangwapo nokwa twalwa koshipangelo sha Tjiwarongo,  oko eli tamono ekwafo louhaku metonatelo lopolifi.

Okwa teelelika akale aholoka komesho yomangu ya magistrat oshivike eshi,  no makonaakono opolifi moshinima otaa pula komesho.