Aa Malawi ya mangwapo sho ya thigipo iilonga yawo yomoofalama mo Israel

Aa Malawi oyendji oya mangwapo mo Israel sho ya thigipo iilonga yawo yomoofalama okuka konga iilonga yilwe mondoolopa.

O BBC oya lopota kutya mboka ya mangwapo oyali oshitopolwa shongundu yaanilonga aakwiilongo 40 mboka ya thigipo iilonga yawo yomoofalama muumbangalantu wa Israel, yaka konge iilonga kobeka moshilando Bnei Brak,muuzilo wa Tel Aviv,shiikwatelela kominista yuuyelele  ya Malawi Moses Kunkuyu.

Kunkuyu ina holola ngele Malawi okuli mekwatathano nomalelo ga Israel moshinima shika,ashike okwiindiile aa Malawi ya simaneke iilonga yawo,okuyanda oku kutha ombinga miinyangadhalwa yaali paveta.

Omukwateli komeho gwaa Malawi mo Israel okwati ongundu oya tulwa moondjedhililo ,nokwa tegelelwa ya tumimwe koshilongo.

Nokwati oondjambi dhomoofalama odhili pevi ,naa Malawi otaaka kongo oompito dhilwe dhiilonga moondoolopa.

Omumvo gwa piti,aa Malawi 221 okwali ya tumwa yaka longe mofaalama ko Israel,mompangela ndjoka ya shainwa pokati kiilongo yopaali mo 2022.

Ashike ompangela otyayi shekwa notayi hilathanwa,naanapolitika yompilameno naahwahwameki yuuthemba womuntu taya holola omaipilo giinima yili kohi yompangela,negameno lyaanilonga.