Aalongwa yeli yane okuza poskola yimwe yiikutha omwenyo pakunwa uusigo mo South Africa muule wiiwike iyali

Aalongwa yeli ya 4 mo South Africa okwa hokololwa yiiikutha oomwenyo muule womasiku 10 ga piti,nominister yelongo lyopevi Angie Motshekga kwa  tegelelwa a talelepo oskola ya Eginisnweni Sec School mo Ivory Park nena.

Aalongwa mboka oyiikutha oomwenyo miiningwanima ya yooloka,naayehe oya nu uuzigo.

Oshiningwanima shotango osha holoka mo 26 April sho omukadhona gondondo onti 10 a nu uuzigo megumbo.

Mu 2 May,omulongwa omukadhona gondondo onti 11 okwaadhika a hulitha megumbo.

Esiku lya landula,okamati kondondo onti 11 oka hulithile moshipangelo sho ka nu uuzigo.

Omanga mosondaaha okakadhona kondondo onti 12 ka hulitha sho ka falwa kokapangelogona sho ka nu uuzigo.

Oshikondo shelongo mo Gauteng osha tuma aahungimwenyo koskola ndjoka hoka kwa holoka omaso ngoka, yaka gandje ehungomwenyo.