Omukalelipo shilongo gwa Russia mo Mozambique okwaadhika a hulitha megumbo lye

Epangelo lya Mozambique olyati otali longo nomalelo mo Moscow oku konakona eso lyomukalelipo gwa Russia Alexander Surikov.

Omunamimvo 68 Surikov okwaadhika a hulitha uusiku wolyomakaya megumbo lye lyiilonga moshilandopangelo Maputo.

Shoka sheetitha eso lye inashi tseyika.

Ombelewa yomutamaneki ndjayi mo Mozambique oyati kayili uupathi ketindo lyomalelo ga Russia oku konakona omudhimba gwe ngaashi tashi lopotwa kiikundaneki yomoshilongo.

Momushangwa ,omupresitend Fillipe Nyusi okwati eso lya Surikov olya thigapo omwaka onene,temu hokolola kutya omuna diplomate ena eitulemo.

Surikov okuulikilwa ponkatu ndjoka mo 2017.