Aalumentu aagundjuka yeli ya 7 ya hulitha mo Nigeria sho ya fudhilemo omuku okuza mo ka generator

Aailongi yo University yeli puya heyali oya hulitha sho ya fudhilemo omuku okuza moka generator mo studio yoo music moshitopolwa Bayelsa mo Nigeria.

Shiikwatelela ko BBC,aalumentu aagundjuka okwali taya longo sigo kwa toka omandaaha,noya kothele mo studio ya pata, noka generator taka longo.

Nokwa hokololwa ya fudhilemo omuku go carbon monoxide,ashike opolisi oyati omakonakono ogeli metifa.

Omidhimba hamano odhiitsuwa ongula yetiyali,omanga gumwe ngoka aadhika eli monkalo ombwiinayi a falwa koshipangelo,ashike okwa hulitha lwanima.

Omidhimba odhiitsuwa kaakalimo momudhingoloko,mboka yoontameke mekende,noku mona omidhimba dha langathana polupanda.

Shika hasho oshikando shotango omuku goka generator tagu dhipaga aantu mo Nigeria.

Mo 2009,aanegumbo 13,mwa kwatelwa aanona 4,oya hulitha , sho ya fudhilemo omuku gwa nika oshiponga okuza moka generator kawo,omanga ya kotha momukunda guli mo Imo.

Nigeria okwa hupila muu generator oku gwanithapo oompumbwe dhe dholusheno dhoo % 40,shiikwatelela kolopota yongaashingeyi yo International Energy Agency.

Omupresitend Bola Tinubu okwa  gandja elombwelo opo omahangano agehe gepangelo ga lande iiyenditho nuu generator tau longo komiku dhopaunshitwe, onga oshitopolwa shoonkambadhala dhoshilongo oku lundulukila kiikwankondo ya yela noku tetula oondando dhomahooli.