South Africa okwa kondema oshiponokela sha Israel mo Rafah shoka sha dhipaga aakwashigwana

South Africa nena okwa kondema oshiponekela sha Israel moshilando Rafah mo Gaza shoka sha dhipaga aantu 45 mokamba  yaamboka ya tulululwa.

Oshiponokela osheetitha ongeyo noku kondemwa muuyuni,noku etitha oshigongi shomeendelelo sho UNSC.

Uuministeli wiikwapondje wa South africa owati epangelo lya South Africa olya wayimine oshigwana shomuuyuni oku kondema iiponokela tayi ningilwa aakwashigwana sho Israel a ponokele otenda yeedhilila aa Palestine mboka ya tulululwa .

Oshiponokela osheya sho konima yomasiku gaali sho ompangu yo International Court of Justice ya gandja elombwelo ku Israel a hulithepo iikonga ye yopakwiita mo Rafah.

Etokolo lyompangu olya gandja oshiwike sha piti onga oshitopolwa shoshipotha sha tulwamo ku South Africa ,ngoka ati iikonga ya Israel mo Gaza oyi thike pomadhipago gakwaanohenda.