Opololeka yo Green Hydrogen otayi lalakanene oku kuta aantu 18 000 pethimbo lyoshiluku shoku tunga noshiilonga

Shika osha hololwa ko Hyphen Hydrogen Energy’s Senior Economic Development Manager, Johannes Shipepe, ko  Opuwo pethimbo lyoonkundathana dhoshigwana ohela,moka a gandja noku fatulula o Hyphen’s Feasibility and Implementation Agreement (FIA).

O Hyphen oyili ehangano lya Namibia lyeyambulepo lyo Green Hydrogen lya totwapo  okweetapo oopololeka dho Green Hydrogen,ndjoka tayi ka longithwa mo moshitopolwa ,moshilongo,nopaigwana.

Shipepe ta holola kutya onga oshitopolwa sho FIA ,o Hyphen nepangelo lya Namibia  oya tsu kumwe komulandu eendithi go  Socio-Economic Development (SED) oku kwashilipaleka kutya opololeka oya gandja uuwanawa kaa Namibia,paku tala kiitopolwa ya simana ngaashi omadheulo,elongo,eetepo lyoompito dhiilonga nosho tuu.

Na Shipepe okwati o Hyphen okwa tengenekwa yi kute aantu 15 000 pethimbo lyiilonga yoku tunga,no 3 000 pethimbo lyiilonga.