Etsokumwe lyegameno pokati ka Russia na North Korea otali etitha omaipulo

Omunambelewa gopombanda mepangelo lya america okwati Ethaneko lya Vladmir Putin kutya Russia ota vulu okupa North Korea iilwitho otashi etitha omaipulo,konima yomasiku sho Putin nomuleli gwa North Korea Kim Jon Un ya shaina etsokumwe lyegameno ndyoka lya pumbwa iilongo yopaali yiipe eyambidhidho lyopakwiita ngele gumwe okwa ponokelwa.

Mathew Miller,omupopiliko goshikondo shepangelo lya America okwati Russia okupa North Korea iilwitho otashi ka eta epiyagano mo North Korea,shiikolelela kutya iilwitho yini tayi gandjwa,noku pogola uutokolitho wo UNSC mboka Russia mwene a yambidhidha.

Amushanga gwepangelo lya america Antony Blinken nuuministeli wa South Korea wiikwapondje oyati etsokumwe pokati ka Russia na North korea olya nika oshiponga kombili negungumano ku North Korea,na Blinken okwati otaaka tala komikalo dhoku yamukula ketsokumwe,ndyoka lya  yambulapo uukumwe pokati kiilongo yopaali mbyoka ya taalela oondjindikila.

South Korea okwiithana omukalelipo shilongo gwa Russia oku holola ompinge netsokumwe na North Korea,sho omahilathano gokoongamba taga tsikile okwiindjipala.

South Korea okwati ota tala koku pa Ukraine iilwitho,noku etitha eyamukulo lyongeyo komukalelipo shilongo gwa Russia George Zinoview,ngoka ati  oonkambadhala oku mbandameka Russia itadhi taambiwako.

Moshigongi she shanena na Zinoview,omupevi minister gwiikwapondje gwa South Korea Kim Hong Kyun okwa kondema etsokumwe nokwiindiile Russia a hulithepo elongelokumwe lyopakwiita na North Korea meendelelo.