Oshiwana moshikandjohoolo sha Samora Machel, oshati osha djuulukwa okupewa omayakulo.

Elelo loshilando sha Windhoek oshondaxa olali meenghundafana no shiwana moshikandjo hoololo sha Samora Machel,  noku likunda kombinga yoipambele ya yooloka yakuma oshiwana momudingonoko omo.

Oshongalele noshiwana oshali sha kwatelwa komesho ku councllor nokuli omukomesho wevava lovakainhu mongudu yo Swapo,  Fransina Ndateelela Kahungu.

Olopota oya ulika kutya pefimbo loshongalele imwe yomwaayo yali yelikundwa, kombinga yomukalo woku kufilwako keengunga ngee tashiya komayakulo elelo loshilando mouwa waavo  vena  omido 60 okuya pombada,  novali vatuwa omukumo opo veli shangife moprograma aamo.

Oshiwana pefimbo loshongalele,  osha yandja omakemo asho kombinga yomaupyakadi oo   sha taalela omo mwakwatelwa ngaashi omumbwe youduda voku likwafelela ngeenge oushitwe tawiifana, omumbwe youpomba vomeva, ofina yoshiwana, oulunga ulipombada, onghalo yoku hena oilonga, eendo kashona lovanambelewa velelo pefimbo tava pumbiwa okuuya oku yandja omayakulo koshiwana oku tumbulapo ashike imwepo.

Kahungu pefimbo tapwilikine komakemo oshiwana,  okwa shiivifa kutya elelo loshilando ola tulapo eenghendabala doku tunga oudjuwo voshiwana vefike po 50 oshoyo oupomba vomeva veli 50.

Oshongalele shelelo loshilando sha Windhoek pamwe  noshiwana,  osha talika tashi lalakanene okuuda komaupyaadi ataalela oshiwana noku tala nghene elelo tali dulu okweeta elunduluko mokati koshiwana.