ECN otakeme kombinga yoshiwana tasheende okanamudodela oku lishangifa oukalata vomahoololo.

July 11, 2024 10

Omuvalu wova Namibia vedulife po 800 000 oveli shangifa oku limonena oukalata vomahoololo fiyo opapa.

Olopota yomuvalu upe waavo velishangifa oku limonena oukalata voku hoolola, oya pitifilwa oikundaneki okudja ko commisi yomahoololo moshilongo ECN omuvalu oo wa didilikwa pokati kefiku lo 01-06 July 2024.

Olopota oyati omuvalu aushe kumwe wova Namibia ovo velishangifa oku limonena oukalata owa fikama povanhu 823,761 osho sha kalelapo omuvalu waavo velishangifa pokati ko 1-6 July 2024 vali vefike po 147 371 moshilongo ashishe.

Nande ongaho o Commission molopota yayo oya ulika kashona omalimbililo kombinga yoshiwana tasheende oka namudodela oku kelishangifa oukalata vomahoolo.

ECN tatu omukumo ova Namibia aveshe ovo vawanifapo oipumbiwa vakale velishangifa omanga 1 Auguste inalifika, molwaaasho konima yefiku olo latulwapo kapena vali omito yawedwapo taika yandjwa kwaavo ina velimonena oukalata vomahoololo. ‘

Okwati omalishangifo onghee taapula komesho fiyo 1 Auguste 2024, alushe omandaxa fiyo olomakaya okudja po 08:00 fiyo 19:00.

Omalishangifo oukalata vomahoololo okuli taapitike opo oshiwana shika kufe ombinga okuka hoolola omupresident noilyo yeumbo lomutumba wopashiwana mo 27 November 2024

Written by: Veronika Haulenga

ECN November elections voter cards

Rate it

Omupresident Nangolo Mbumba ashakena na hamushangadjai António Guterres

OmuPresident Dr Nangolo Mbumba okwa mona omito oku shakena na hamushanga wehangano loiwana yahangana António Guterres. Omupresident Nangolo Mbumba, okwa shakena na hamushanga Antonio pefimbo loshongalele oshi 79 sho United Nations General Assemby osho tashi kufa ombinga ko New York sha US. Hamushanga wehangano loiwana yahangana pefimbo leenghundafana davo tapupula […]

September 20, 2024 2