Aanamagumbo 28 oya pewa omagumbo gawo omape ko Goreagab Dam Exten 4 ohela.

Omagumbo oga tungwa ku Muni gwa Windhoek,ehangano lyo NHE,palongelokumwe nuuministeli weyambulepo lyokomikunda noondoolopa,nelelo lyoshitopolwa Khomas,onga oshitopolwa shoshiluku shotango shopololeka yo Informal Settlement Upgrading Pilot Project.

Ya tamekithwa mo 25 March 2024,opololeka otayi lalakanene okutunga omagumbo 400 gena oondunda 2 dhoku lala,mwaangoka go stand alonge,noo flats dhoondunda 1-2 miiluku itatu ,okuthika ku april 2025 mo Goreagab dam Ext 4.

Omagumbo otaga kotha oodola 392 000 mwa kwatelwa evi ,kegumbo lyoondunda mbali lyo stand alone,noodola 320 0000 kegumbo lyondunda yimwe lyo stand alone.

Minister Erastus Utoni okwa nongele kutya okuza nkene opololeka ya tulwa miilonga mu June 2020,opololeka yo Informal Settlement Upgrading Pilot Project oya tunga omagumbo taga vulika ga konda 700 mo Windhoek.