Oo alinale ominister yoimaliwa mo Mozambique, ataalela omatamaneko ekengelelo.

Oo ali nale ominister yoimaliwa mo  Mozambique okwa taalela omatamaneko epangulo mo   US,  shinasha nokulonga noulingilingi pefimbo ali noshinakuwanifwa onga ominsiter, osha monikelemo  mo 2016.

Oshikundaneki sho Africanews osha lopota kutya, Manuel Chang ota tamanekelwa ekengelelo moshibofa osho tashuufanwa ‘’Tuna Bond’’  pefimbo ali ominsiter yoimaliwa okudja mo  2005 fiyo 2015,  molwaasho takutiwa okwa tambula eembubo opo ayandje monanguwi omikuli odo ovanaveta tave dipopi kutya  odalongifwa  shiheli pamango.

Omikuli ododo takutiwa okwali danuninwa oku landa eembautu doku kwata eeshi do Tuna, notakutiwa onghalo yoku halonga nouyuuki oya katula  oshilongo Mozambique moupyakadi weengunga doshimaliwa shifike pee  $2 billion mo 2016.

Ovanaveta ovati oshimaliwa shihapu shomikuli osha longifilwe momikalo doku dengala odi peisho omo mwakwatelwa  $7 million takutiwa  Chang,  okwali ediikufilapo yemwene.

Omutokolindjai takwafele pakafimbo mo US Peter Cooch,  pefimbo lomatamaneko tapopi kutya Chang okwa longifile nai ombelewa moku kengelela oshilongo noku liyambapaleka yeemwene.

Nande ongaho Chang,  okwati kena odjo momatamaneko aesho oo yee ataalela.