Omupresitend Joe Biden okwa tegelelwa a tsakanene nomu prime minister gwa Israel Benjamin Netanyahu metine ko White House

Omupresitend gwa America Joe Biden okwa tegelelwa a tsakanene no prime minister ya Israel Benjamin Netanyahu metine ko White House,shiikwatelela komunambelewa gwa America ohela.

Onzonkundan yo Reuters oya lopota kutya Biden okwa kala iikalela okuza metitatu lya piti sho a monika o COVID 19,,ashike ota galukile mo Washington nena okuza kegumbo lye mo Delaware.

Netanyahu okwa popitha o Congress nena.

Yaali okwa tegelelwa yiikunde omikalo dhoku adha ompangela yoku egeka iilwitho pokati ka Israel naakwiita yo Hamas mo Gaza,Iran,niipalanyole yilwe.

Otashi kala oshigongi shotango  sha Biden nomuleli gopondje okuza sho a tokola okuzamo methigathano lyuupresitend  ,noku popila omupevi presitend Kamala Harris onga omulanduli gwe ,omuulikwa hogololwa guupresitend gongundu yo Democratic.

Harris okwa tegelelwa a tsakanene na Netanyahu oshiwike shika moshigongi sha yooloka kusha Biden.

Omupopepi na Harris okwati Harris otaka tula ethindakano ku Netanyahu kutya ethimbo ongaashingeyi opo iikolokosha mo Gaza yiye pehulilo,momukalo moka Israel a gamenwa,oonkwatwa adhihe dhi mangululwe,emono lyiihuna lyaa Palestine mo Gaza liye pehulilo,naa Palestine ya tyapule uuthemba wawo,emanguluko ,anokwiipangele kuyo yene.