Omulumentu iimangelekele mokakuma kopolisi

Omulumentu gomimvo 32 ngoka a mangwapo omolwa uufuthi wiimuma ,nokwa imangelekele muukuma wopolisi ya Otavi ongula yolyomakaya nena okwa tongololwa kaapambele ye.

Omukwatakanithi gwekondololo lyiimbuluma moshitopolwa Otjozondjupa Dep Comm Edna Nawa okwati nakusa oye Hiyana Luwa.

Nawa tati Luwa okwa mangwapo etitano lopotundi onti 16h00,nokwa hokololwa iimangeleke nekumbatha mokakuma kopolisi.

Omudhimbba gwe ogwiitsuwa ongula yolyomakaya lopotundi onti 04h30 kaanambelewa yopolisi.

Nakusa okwa mangwapo sho aadhika nonyama yongombe ya yakwa.

Nakusa ina thigapo omukanda tagu hokolola shoka iikuthile omwenyo.

Omanga moshiningwanima shilwe kOtjiwarongo,omukiintu gomimvo 30 ngoka  a hulitha kuuwehame woshilalo ongula yohela,sho a ponokelwa koombudhi ,naye nena a tongololwa kutya oye Uarotua Kangombe.

Kangombe okwa tsuwa koombudhi nombele mo Heroes park,dhoka dha pula ongodhi ye yopeke.

Nokwa ponokelwa ohela lopotundi onti 05hh30 nokwa hulitha lopotundi onti 07h00 koshipangelo sha Otjiwarongo.

Aafekelwa medhipago lye inaya tseyika,nomakonakono gopolisi otaga tsikile.