Ngoloneya Aletha Frederick, apula oshiwana shilikaleke kokule noukwamuhoko moshitopolwa shaye.

Ngoloneya woshitopolwa sha||Kharas , Aletha Frederick, okwa kumaida ovakalimo moshitopolwa shaye velikaleke kokule nominyonena odo dakwatelamo oukwamuhoko nokatongotongo osho tati oshili oupyakadi taudulu okweetififa okuhena engungumano mokati koshiwana.

Frederick edi okwe dipopya onghela pefimbo ali tayandje olopota yopa pangelo inasha noshitopolwa shaye SORA.

Okwati omalihumbato adidilikwa moshitopolwa oo ena enwefemo lokwetififa ominyonena oshinima aasho tashi dulu oku yamoshipala eyokomesho leliko noku nana yoo omepo yoku halongela kumwe mokati kovanhu vomihoko dayooloka.

Ngoloneya teshi yelifa nghene oshitopolwa sha ||Kharas, osho shili fimbainongodi moku kwatela komesho eliko loshilongo eshi tati oshina touyamba weendjo dopaushitwe.

Okwati oshitopolwa ota shihangwa eemina, eeshi, ounampya no matalelepo ta tongomona nghene oikondo oyo ili yafimana meyokomesho loshitopolwa.

Ngoloneya tawedapo natango kutya omanga oikondo oyo yakala noku kwatela komesho eliko loshilongo noku yandja yoo eemito dayooloka doilonga koshiwana, okwa tumbula yoo kombinga yoprojeka ipe oyo opo ya holoka moshitopolwa yo green hydrogen, omahooli nomuku wogas oshoyo eyokomesho loprojeka yo dama yomeva yaNeckartal , osho tati oshitopolwa sha ||Kharas oshina ondjokona iliwetikile moku xumifa komesho eliko loshilongo noku yambulapo ovanhu vasho, omanga natango shelipyakidila noku tala nghene omashongo oo sha taalela taadulu oku kandulwapo.