Oshitopolwa Oshikoto osha lopota omwaalu guli pombanda gomaso gaayendi yokolupadhi

Oshitopolwa Oshikoto osha dhidhilika omwaalu guli pombanda gomaso gaayendi yokolupadhi moshilongo nuumvo,nomaso 9 ga lopotwa okuza mu Jan sigo omu July nuumvo.

Shika osha tseyithwa komukalelipo goshiketha sho MVA Fund Victoria Amutenya,pethimbo lyoshigongi shoku topola uuyelele wegameno lyomoondjila naakwashigwana komukunda Omutsegonime ohela.

Amutenya ta holola eipulo kiiponga ya taalela aakwashigwana momudhingoloko gOmutsegonime,Oshifukwa na Oshikunde omolwa iiyenditho mondjila yo B1 nokutsa omukumo aakwashigwana ya lopote iiponga koshiketha opo shi gandje eyambidhidho.

Tati wo oshiketha ihashi yambidhidha omutulimo gweindilo ngoka kwali ta hingi a longitha iikolitha nenge keehena omukanda nenge ngele osheenditho shoka sheetitha nenge sha mono oshiponga osha longithwa miinyangadhalwa yuulunga.

Omanga omukalelipo go Roads Authority Kondjeni Mweuhanga a holola eipulo lyoshinano shuukamba okuza moondjila.

Tati otaya tsu omukumo aantu ya tunge uukamba wawo oshinano shoo Km 15 kokule nondjila.

Omanga omunashipundi gwelelo lyoshitopolwa Oshikoto Samuel Shivute iindiile o RA yi tule omalamba omale guuyelele noma speed humps oku nawapaleka egameno lyaayendi yokolupadhi.