Oka Commissi kenasha nomatendululo eengaba moitopotwa, katalelapo omupresidet .

Omupresident Dr Nangolo Mbumba onghela okwali euya oku talelwapo kosheendo shoka commissi oko kenasha nomatendululo eengaba moitopolwa yoshilongo.

Osheendo shovanambelewa voka commisi osho shali sha katalelapo omupresidet keumbo lepangelo, ota kulopotwa shali sha kwatelwa komesho komutokoli   Petrus Unengu.

Oshongalele osha talika tashi lalakanene okuyandja olopota komuleli woshilongo oku tala kwaasho shiliwe nasho metifa, osho shapondolwapo, omashongo adidilikwapo  naasho tashi dulu oku ningwapo meyokomesho,  pefimbo veli metifa lokumanifa olopota inasha netendululo leengaba.

Olopota oya ulika nghene oka Commisi keli natango kelipyakadila noku tala keelopota doitopolwa ili 4 yomudo oyo ina imanifwa natango.

Oka Commissi kena oshinakuwanifwa oka tulilwe moilonga 4 April 2024, noku pewa oshinakuwanifwa shetalululo lomatendululo eengaba ngaashi shili pakatendo oka 104 kekotamango loshilongo.

Judge Unengu,   pefimbo loshongalele tayelifile omupresident kutya oka Commission okaya meenghundafana novakufimbinga vayooloka noka yakula yoo omatokolo oo aningwapo koohandimwe okudja moitopolwa ya yooloka yoshilongo.

OmuPresident Mbumba,  teshiyelifa nghene shafimana ko kacommisi kalandule omilandu odo dili mondjila tati okwa didilika yoo pena vamwe moitopolwa vakendabala oku yandja omafindilemo avo kombelewa yaye meyukililo,  ashike okwa yandja elombwelo opo keshe eindilo likale lapewa oka commisi koovene.