Omidhimba dhoonkwatwa dha Israel dhili 6 dhaadhika mo Gaza uusiku wa piti

Etanga lyopakwiita lya Israel olyati olyiitsu omidhimba dhoonkwatwa 6 moshikonga sha ningwa uusiku wa piti mo Gaza.

Omidhimba odhiitsuwa sho America,Egytp na Qatar taya kambadhala oku enditha etsokumwe lyoku hulithapo iikolokosha pokati ka Israel nongundu yuukulo ya Palestine yo Hamas.

Etsokumwe shiikwatelela ko Al Jazeera otali ka etitha oonkwatwa dhoka dheedhililwa ko Hamas dhi mangululwe .

Israel ina holola kutya ya 6 oya hulitha pamukalo guni.

Yatano oyali pombanda yomimvo 50 sho ya kwatwa ko Hamas.

Omupilima gwa Israel Benjamin Netanyahu okwa tumbaleke oonkambadhala dhoku itsa omidhimba.

Ta gwedhako kutya Israel ota tsikile oku ninga kehe onkambadhala oku galula kehe omukwashigwana gwe eedhililwa ko Hamas,ena omwenyo nenge a hulitha.

O Hamas okwiitaalwa yeedhilila oonkwatwa 110 dha kwatwa moshiponokela shomu 7 October.

Omalelo ga israel oga tengeneke kutya oshitatu shawo oya hulitha.