Metro Namibia ayeulula oshitayi shipe ko Swakopmund

Ofitola yo Metro Namibia, oya yeeulula oshitayi shayo shipe komudingonoko wodoropa yomukunghulofuta wa Swakopmund moshitopolwa she Rongo.

Omukanda oo watuminwa odjonghundana yetu okudja kehangano leefitola do Metro,  owati eyeululo lofitola ola ningwa nena , mo 30 August 2024.

Metro momukanda taulike nghene eli elitulamo nokuudite ehafo oku twala omayaklo oilandomwa kodoropa yomukunghulofuta osho shili oshikando shotete.

Eyeululo lofitola yo Metro komudingonoko oko,  ola etififa ehangano likale neefitola didilife po 30 moshilongo nola shiivifa lina natango omafaneko likakale lapatulula oshitayi shawedwapo lwanima neudo moshilando pangelo ko mudingonoko wa Eros.

Bryan Davis, Eli omunambelewa omukulunhu meefitola do Metro Namibia, okwa ulika ehafo laye mepatululo loshitayi shipe komunghulofuta, tati ota shika kwafela mokuyandja omayakulo oilandomwa oo tapumbiwa koshiwana.

Okwati ofitola yo Metro mo Namibia,  oya yandja oilonga kovanailonga vedulife pe 1,500 moshilongo ashishe noili yoo taidana onghandangala yakula moku yambiida keliko loshilongo .

Ehangano ola ulika yoo nghene lina ohokwe oku yeuula oitayi yawedwapo meenele dayooloka doshilongo ,opo liyandje omakwafo oilandomwa oo apumbiwa koshiwana.