Ongundu yo SWAPO noyo IPC dhuuvaneke tadhi yambulapo eliko lyoshilongo ngele dha hogololwa

Ongundu yo SWAPO mo manifesto yawo oyuuvaneke tayiikalekele oodola oobilion dha konda 85 dhoopololeka dhoku etapo oompito dhiilonga odhindji ,dhaa Namibia mboka yaahena iilonga ,moomvula 5 dhili komeho ngele oya hogololwa.

Ongundu yo Independent Patriots For Change nayo oya holola o maniesto yawo,no budget yoodola oobilion 100 dhomayambulepo gopashigwana ngele oya hogololwa.

Omunongo gwiikwapolitika Dr Marius Kudumo okwati otaya tala komilandu ihe kashishi komipopyo.

Tati oshiholelwa,ngele ongundu yontumba otayiti oyina oodola oobilion dhontumba,nena oya pumbwa okuulika mpoka yaadha oobilion dhoka.

Niitya yimwe,omilandu dhini tadhi longithwa oku kokeka eliko?.

Omanga ta pula wo  uuministeli mboka tau tulwa pomahala ,opo yi mone iimaliwa nenge yeetepo oompito dhiilonga.

Omanga Kudumo ati,shika osha faathana no IPC…ndjoka tayi ti otayi ka etapo oompito dhiilonga,tati oya hala oku mona omilandu nuukwatya ,ihe kashishi omipopyo dhopamumbwalangandjo.