Ondoolopa Katima Mulilo ya mono omunino omupe gomeya

Ehangano lyo Namwater oshiwike sha piti olya tula miilonga omunino gomeya omupe ko Katima Mulilo.

Ta popi petamekitho netulomiilonga lyopololeka yoodola oomilion 10.5,omukuluntu go Namwater Abraham Nehemia okwati netulomiilonga lyomunino goo Km 1.7 ,omeya taga topa mondoolopa Katima Mulilo otashi kala oshinima shonakuziwa.

Nehemia ta fatulula kutya omunino gotango gomeya,gwa tulilwepo mo 1979 okwali tagu lalakanene oku tsakanekapo oompumbwe dhomeya dhoshigwana oshishona.

Moomvula dhago 45,omunino ngoka gwa kulupa ngaashingeyi ogwa ningi gwaashi oku inekelwa ,noku etitha gu kale tagu topa ,noku piyaganeka eandjaganeko lyomeya.

Nomunino omupe,go high density Polythylene,otagu vulu oku longa oomvula 50-1000,noguna okuvula koku humbata omeya goo cubic metre 1 200 mowili,noku kwashilipaleka eandjaganeko lyomeya moshitopolwa moomvula dhili komeho.