Ova Namibia veli 1.45 tava kakufa ombinga momahoololo oupresident noilyoyeumbo lomutumba wopashiwana

OCommission yomahoololo mo Namibia (ECN) oyati omuvalu wova Namibia vefike po 1.45 million ovelishangifa oku kakufa ombinga momahoololo oupresident noilyo yeumbo lomutumba wopashiwana momwedi twa taalela.

ECN omuvalu okwe weeta poluhaela onghela pefimbo ali tayandje olopota yaxuuninwa yaavo velishangifa oshoyo omilandu veta dinasha  nomahoololo  noku diyandja keengudu dopapolitika dili 21 onga oshitopolwa shomapekaapeko opetameko.

Pefimbo loshiindingili oo eli omunashipundi wo ECN, Elsie Nghikembua, okwati omuvalu waavo tava kakufa ombinga moku kahoolola, owa kalelapo ee 90% doshiwana shawanifapo oipumbiwa yoku hoolola.

Nghikembua tapopi kutya omuvalu wayandjwa owa kalelapo omuvalu woukashike koo okanhu, ovanyasha, oshoyo ovo vena omaulema okudja moitopolwa aishe yoshilongo.

Pefimbo opo twoo opo omunambelewa omukulunhu mo ECN Peter Shaama,  tadenge omufindo kutya, oshitopolwa sha Khomas osho sha didilikwa shina omuvalu wovanhu vahapu velishangifa oku kakufa ombinga momahoololo, oo tati owa kalelwapo kee 54% dovakainhu oshoyo 46% dovalumenhu.

Pefimbo opo twoo opo eengudu dopapolitika odo dapewa omilanduveta odo dina oku kalandulwa dinasha nomahoololo ova kunghililwa diluumbate ngaashi sha teelelika pefimbo loinyangadalwa yomahoololo taikakala ili metifa.