NEFF aulika ehafo laye eshi takakufa ombinga momahoololo oneudo

Ongudu yo Namibian Economic Freedom Fighters (NEFF)  oyati eshangufululo layo noku tulwa momusholondodo weengudu dopapolitika natango oshili efindano loudemocry moshilongo.

Edi oda popiwa kwao eli omupedu president wongudu yo NEFF,   Kalimbo Iipumbu pefimbo loshongalele noikundaneki osho shaliko onghela osho sha talika shali tashi lalakanene okuulika olupandu layo melombwelo layadwja komangu lili ominge netokolo lali lakufwa ko commisi yomahoololo mo Namibia  (ECN).

Kalimbo taulike kutya,  voo onga  oilyo yongudu oveudite ombili mokufindana oshibofa osho tati oveshiineekelela ekotamango loshilongo.

Okwati ongudu oya kala ya itavela kutya ekotamango loshilongo ita lipitike o commisi yo mahoololo moshilongo pamwe noohandimwe okudja keengudu dopapolitika ovo vena omafaneko omonanguwi oku halakanifapo ongudu yo NEFF,   tati ECN kena oufemba woku vakufa momusholondodo wo mahoololo osho tati osho shevafininika okuya komangu.

Kalimbo taulike natango olupandu koshiwana sha Namibia,  eshi shakala shelididimika pefimbo vakala tava ungaunga noshikumungu paveta fiyo aishe yamwanifwa.

Okwatwa omukumo ovayambididi vongudu yo NEFF vaka hoolole ongudu pefimbo lomahoololo taa kakala eli metifa mo 27 November 2024, tati ongudu oili yelilongekida oku kakaufa ombinga momahoolo.

Omangu yopombada ota kulopotwa yali yakupulashi elombwelo lo ECN  oku kufa ongudu yo NEFF momusholondodo weengudu dopapolitika, molwaasho kutya NEFF okwa dopa oku yandja omikanda deelopota domavalulo opashimaliwa.

ECN oshivike  eeshi talombwele oikundaneki kutya,  otaka kala adulika kelombwelo lomangu olo talipula opo ongudu yo NEFF ipitikwe oku kufa ombinga momahooolo oneudo.