Eindilo la Shipwiikineni navakwo lakupulwashi komangu

Omangu yopombada onghela  oya kupulashi endilo latulwamo koshilyo shongudu yo Swapo  Reinhold Shipwikineni navakwao va 3 nota ipopi kutya oshibofa shatulwamo inashilongekidwa nawa pamango.

Etokolo ola layadjwa onghela ongula omo ovalipataneki aveshe vopavali vali vakalelwapo paveta kovakalelipo vavo vopaveta.

Shipwikineni opamwe novakufimbinga vakwao moshikumungu ovali vatulamo eindilo loku kaleka opo etokolo lokuulika omukalelipo wongudu yo SWAPO, Netumbo Nandi-Ndaitwah,  li kalekwe manga, pefimbo kwa teelelika kukakale kwakufwa ombinga momahoololo oupresident twa taalela neudo.

Ovatamaneki ovali tava pula yoo opo omangu ikale yayandja elombwelo kongudu yo  SWAPO yuunganeke oshongalele shawedwapo ngaashi shaufwa kekotamango longudu yo Swapo.

Omunaveta Sisa Namandje, oye ali akalelapo ongudu yo SWAPO moshinima,  nopefimbo lepwilikino onghela okwa ulika kutya ita popile omatamaneko taapopilwa ongudu tapopi kutya,  ovatulimo veindilo ina valandula omilandu dilimondjila ngaashi sha pumbiwa paveta.

Okwa ulika yoo kutya ekufombinga la Shipwikineni moshinima kalina oukwatya wopaveta weliwanapo moshinima,  nomolwaasho Namandje ayandja elombwelo komangu opo ikupuleshi omatamaneko atulilwamo ongudu yo Swapo,  osho tashiningwa pamwe noifutififa yopaveta.

Titus Ipumbu,oo ali akalelapo ovatulimo voshibofa pefimbo lomangu okwali apula opo omangu yimupe efimbo lawedwapo opo aka manife noku kuyandja omanyamukulo apumbiwa komangu, osho Namandje eshaanya nosha etififa opo oshibofa shikale sha kupulwashi.

Omangu oya twakumwe nomalombwelo ayandjwa komukalelipo veta wongudu yo Swapo noku kupulashi oshibofa,  noyayandja elombwelo opo ovatamaneki vakale vafuta oifuta aishe oyo yalongifwa paveta.