Otenga yomahooli ya kondama noku topa,noku faalela oomwenyo dhaantu 94 mo Nigeria

Otenga yomahooli oya kondama noku topa mo Jigawa state monooli ya Nigeria ohela,sho omuhingi a nyengwa okuyi kondolola,noku faalela oomwenyo dhaantu 94,noku ehameka yeli 50.

Omupopiliko gopolisi nena okwati oshiponga osha holoka oshinano shoo Km 530 monooli yoshilandopangelo Abuja.

Onzonkundana yo Reuters oya lopota kutya omaso ogaakwashigwana mboka kwali ya ngundumana oku kutha omahoooli motenga sho yiihatapo.

Niihakanwa okwali kwa tegelelwa yi fumbikwe nena.

Oondjila odhindji mo Nigeria kadhili muukwatya uuwanawa,dhina iilambo,noku etitha iiponga mbyoka hayi faalele oomwenyo dhaantu oyendji kehe omumvo.

Omwedhi gwa piti,aantu 48 oya hulithile monooli ndingandinga yoshilongo,sho otenga yomahoooli ya topa,sho yiipumu mololi ya humbata aafaalelwa noongombe.