Omuleli gongundu yo IPC Dr Panduleni Itula a popi kombinga yoshitegelwa shomahogololo gonuumvo

Aa Namibia otaaka hogolola omupresitend niilyo yomutumba gopashigwana mo 27 November.
Ngaka otaga kala omahogololo goshilongo gopashigwana omati 7th okuza pemanguluko lyoshilongo mo 1990.
Otwa pula omuleli gongundu yo IPC Panduleni Itula ngele okwa tegelela omwaalu ogundji gwaahogololi yongundu ye nuumvo,nokwati oyeshi kutya opwa kala okwaaha thike pamwe momawi ngoka a pewa.
Tati ngele owa tala ko IPPR otayi ku pe omawi 249 00 omanga okomisi yomahogololo yemupe omawi 242 000,nomawi 7 000 gemu kuthwa .
Nuumvo oyena aantu oomilion 1.4 yiishangitha onga aahogololi,nongele oya kalekepo omukalo gwa fathana,nena otashi vulika aantu omilion 1.1 ya hogolole,nongele shoka osha ningwa,nena oshipundi shimwe mopaalamende otashi kala omawi 11 000,naangoka otagu kala omwaalu omudhigu okwaadha.