Ominista yiikwapondje ya Iran oyili mo Egypt nena,okwiikunda omahilathano taga indjipala moshitopolwa

Ominista yiikwapondje ya Iran Abbas Aragahchi okwiikundu omahilathano taga indjipala moshitopolwa naanambelewa ya Egytp  nena mo Cairo,metalelepo lyotango komunambelewa gopombanda gwa Iran koshilongo shonooli ya Africa methimbo ele.

Aragachchi okwa ningi oonkundathana nambushe miilonga gwa Egytp Badr Abdelatty nomupresitend Abdel Fattah el-sisi ,ya tala koonkambadhala dhoku hulithapo iikolokosha ya Israel mo Gaza nomo Lebanon.

Onzonkundana yo AP oya lopota kutya El Sisi okweendulula eindilo opo Israel a hulithepo iita mo Gaza okuyi keelela yaaha taandele noku ninga iikolokosha yopashitopolwa.

Omupresitend gwa Egypt okwiindiile wo ehulithepo lyiikolokosha mo lebanon,omapogolo mo West bank,noku kwashilipaleka kutya omakwatho ngoka ga pumbiwa oga thikithwa.

Etalelepo lya Araghchi mo Egtyp olili oshitopolwa shetalelepo lyopau nadiplomate moshitopolwa,tali lalakanene oku hwepopeka omahilathano.

Omwedhi nguka okwa tsakanene naanambelewa mo Syria,Lebanon,Qatar,Oman na Iraq,nokwa tegelelwa a ye ko Turkey okuza mo Egtyp.

Oonkambadhala dhopauna diplomate komunambelewa gopombanda gwa Iran odheya sho oshitopolwa sha tegelela oshiponokela ku Israel oku yamukula koshiponokela sho missile ku Iran mo 01 October.