Israel a dhenge Iran ongula yonena,na America tati okwa pyakudhukwa oku popila Israel ngele Iran okwa yamukula

 

America okwati okwa pyakudhukwa oku popila Israel ngele Iran okwa yamukula oku ponokela.

O sky news oya lopota kutya omunambelewwa gopombanda mepangelo lyomupresitend Joe Biden ,okwali ta popi niikundaneki ,sha landula oshiponokela shoshikonene sha Israel ku Iran.

Tati shika otashi kala ehulilo lyiiponokela pokati ka Israel na Iran,ashike ngele Iran okwa hogolola oku yamukula,nena America okwa pyakudhukwa oku popila Israel.

Miiwike ya piti ,omupresitend Biden okwa kala noku tsa omukumo epangelo lya Israel li yamukule koshiponokela sha Iran sho missile shokuyele omwedhi nguka,naashoka osho sha ningwa.

Omunambelewa gwa america tati epangelo olili mekwatathano na Iran,okupitila moka oonkatu dhepangelo lya america dha kala noku tseyithwa.

Ongula yonena etanga lyopakwiita lya Israel olya tseyitha kutya oshiponokela tashi odheke Iran osha pwa.

Noodhila dhawo odha galukila moshilongo.

Noshiponokela shoshikonene osha manithwa,netumo olya gwanithwapo.

Omushangwa tagu gwedhako kutya iiponokela yawo yomewangandjo oya dhenge omandiki goku nduluka oo missiles dhoka Iran uumbu nadho Israel ,omumvo gwa piti.

oshowo iishonekwa yilwe ya Iran yeipopilo lyomewangandjo.