aatembuki ya 7 ya mangwapo mo Gauteng sho yaadhika taya pakele oohi dha felefala

Aatembuki inaaya shangithwa yeli ya 7 nena okwali kwa tegelelwa ya holoke mohofa sho ya mangwapo kopolisi mo Gauteng sho o factory yawo ya hadhwa, moka aanilonga yaadhika taya pakele noku dhimapo omasiku goku felefala goohi dhomoondooha dho Lucky Star.

Omupopiliko gopolisi mo Gauteng Capitiya Tintswalo Sibeko nena okwa koleke kutya ya 7 otaya holoka mohofa ya Veereniging.

Mboka ya mangwapo mo 11 omwedhi nguka oyeli pokati komimvo 18-29,namwene gwiilonga onkee ta kongwa.

Oondooha dhoohi dha kwisha okwali tadhi pakelwa miipakete ya shangwa iiikulya ya Woolworths.

moomwedhi dhongaashingeyi,aanona ya yooloka mo Gauteng oshowo miikandjo yilwe mo south africa oya hulitha kuuzigo wiikulya.

Naakalimo oya gandja ombedhi kuu tuckshop hau ithanwa uu spaza okulanditha iikulya ya kwisha.