Epangelo lya South Africa itali kwathele aalongimina yaali paveta

Epangelo lya South Africa olyati itali kwathele aalongimina yaali paveta yeli lpo 4 000 mboka yeli meni lyomina ya pata mo North west ,mboka ya tindilwa omayakulo gopetameko onga oshitopolwa shomulandu gwepangelo guli ompinge  niilonga yoomina yaali paveta.

Aalongimina moshilambo shomina mo Stilfontein okwiitaalwa yaahena iikulya,omeya niipumbiwa yilwe,sho opolisi ya pata uupitilo mboka hau longithwa okuya faalela iipumbiwa yawo kohi yomina.

Oshili oshitopolwa shoshikonga shopolisi sho Pata ombululu,shoka sha kwatelamo oku pata uupitilo opo ya thiminikwe yeye kombanda noku mangwapo.

Omupopiliko gopolisi Athlenda Mathe okwati sha landula oonkundathana noshikondo shoonzo dhopaunshitwe niikwankondo,etokolo olya ningwa kutya kapena omupolisi,omukwiita nenge omunambelewa gwepangelo tayaka momina omolwa omaipulo gegameno.

Tati aakwashigwana otaya kwathele aalongimina.

Uuyelele okuza moshigwana owati,aalongimina ya 3 mboka ya hupithwa oyati momina oyati omuna aalongimina yeli lopo 4000.

Miiwike ya piti,aalongimina yeli 1 000 oya zamo moomina dha yooloka mo North west,noyendji ya nkundipala,ya sa ondjala,notaya ehama,sho ya ningi iiwike yaahena iipumbiwa yasiku kehe.

Opolisi ohela oya tsikile oku kondeka omina oku kwata ayehe mboka taazimo.