Oshiputudhilo sho NUST ko Campus yoko Eenhana sha pewa omakwatho komahangano gga yooloka

Oshiputudhilo sho NUST ko Campus yoko Eenhana ohela osha pewa eyambidhidho komahangano ga yooloka,taga lalakanene oku nkondopeka eiutulemo lyawo okugandja elongo lyongushu kaailongi konooli yoshilongo.

Poshituthi sha ningwa ohela,ehangano lyo Association of Diplomatic Spouses okupitila mo NUST Foundation ,olya gandja oodola 100 000 koshiketha sho Student Welfare Fund.

Oshiketha osheetwapo okugandja ekwatho lyopashimaliwa,oonzo noo scholarship kaailongi koo Campus adhihe moshilongo.

O Nandi Ndeitwah Family Trust oya gandja wo omambo gongushu yoodola 70 000 kongulumambo yoshiputudhilo.

O Namibia Scientific Society Kuiseb Publishers oya gandja omambo ga konda 60,no Recon Energy Africa ya gandja iilongitho yomambo geetwapo okuza momutumba gwiikwankondo gwa ningwa nuumvo.

Vice Chancellor Prof Erold Naomab okwa holola olupandu kwaamboka ya gandja eyambidhidho.