Opolifi yelelo loshilando ya tyapula noku dimbuluka ewanifo lomido 18 moilonga

Opolifi yelelo loshilando Omandaxa oya tyapula noku dimbuluka ewanifo lomido 18 moilonga.

Oshiindingili shewanifo lomido 18 doilonga yopolifi oshali yoo sha kwatelamo elukululo letungo lembelewa dopolifi yelelo loshilando,  olo lakala lashiivika nedina  Peter Andries De Wet,   noku lukilwa oo ali nale omukomesho wopolifi yelelo loshilando  Chief Abraham Kanime.

Opolifi yelelo loshilando oya dutilwepo mo 2004 noya talika yadana onghandangala yakula moku kelela oimbuluma noku tulapo omilandu dopaveta ngaashi da teelelika diluufwe kovakalimo velelo loshilando sha   Windhoek.

Poshiindingili opo twoo opo,  oo ali nale kakukutu kopolifi yelelelo loshilando  Chief Abraham Kanime,  okwa ulika olupandu laye ketokolo latulwa moilonga opo alukilwe etungo.

Chief Kanime,  oye ali wotete oku kwatela komesho opolifi yelelo loshilando pefimbo yadutilwepo nota hokololwa akala omunandjungu moilonga yaye,  oo ayala ekanghameno liliwetikile moku yamoshipala onghalo yoimbuluma  eshininga fiyo omu May wo 2023, eshi aya moshipundi shetulumuko.

Mayor welelo loshilando sha Windhoek, Queen Kamati, talongifa omito oku pupula kombunda opolifi yelelo loshilando,  eshi tailongo yatula ombuda moshixwa oufiku nomutenya oku kalekapo eameno laaveshe momudingonoko welelo loshilando sha Windhoek.