Doreen Sioka, okwa pula ova Namibia velitulemo moku kalekapo omakanghameno eameno loufemba wovanhu

Minister woufike pamwe paukashike koo okanhu ekondjifo loluhepo nonghalo nawa yoshiwana Doreen Sioka, okwa pula ova Namibia velitulemo mo kwaamena noku kalekapo omakanghameno eameno loufemba wovanhu.

Minister Sioka,  edi okwe dipopya pefimbo taku dimbulukiwa efiku lopaiwana linasha noufemba wovanhu pefimbo yoo lokumanifa  oshikonga shoule womafiku eli 16 shinasha nomaxwaxwameko oku xulifapo omahepeko oukashike koo okanhu osho sha ningilwa ko  Outapi, moshitopolwa sha Omusati onghela.

Pefimbo loshiindingili osho twoo osho,  Sioka okwa longifa yoo omito oku tula moilonga okambo komauyelele kenasha nee programa deameno lovakwashiwana.

Shelikwatelela ku Sioka, okwati efiku loufemba wovanhu kalili ashike omito yoku tyapula noku dimbuluka omafindano aasho sha pondolwapo,  ashike olili yoo omito yoku hanyena noku hapopila aishe oyo iheli payuuki noku hafika pamwe.

Tatu omukumo oshiwana shikufe ombinga meenghendabala doku filafafana oshisho noku longa noudiinini opo onakwiiwa yoshiwana ikalekwepo.

Sioka tadenge omufindo nghene Namibia eshipondola moku hanga eenghendabala doufike pamwe mokufika pee 80.5% osho tati osha tula Namibia  ponghatu oni 8 yoilyolongo mounyuni,  omanga moilyolongo yo  Sub-Saharan Africa tahangwa ponghatu yo 1 okufika mo 2024.

Sioka talongifa omito oku pula ova Namibia vanghonopaleke etulomoilonga lomilandu veta odo tadi lalakanene exwawameko lomaudifeko oku yambidida oufike pamwe paukashike koo okanhu oku kwafela ovanhu vomihoko ina ditalikako oshoyo oku shonopeka eenghalo dokuhafike pamwe.