Israel no Hamas vadimina okuhanga etwokumwe okukelela oita

Oshilongo Israel opamwe nongudu yo  Hamas  ova dimina opo oita ikale yaxulifwapo mo Gaza, noku mangulula yoo ovo vakala veli meemango konima yeehani 15 doita.

Eeyeko loilwifo oleya konima yeenghudafana dokutwa kumwe odo datulwapo kovahangukununi Qatar na US.

Oo eli omuprima minister woshilongo sha Qatar Sheikh Mohammed bin Abdul Rahman Al Thani,  okwati eudafano twokumwe otalitulwa moilonga moshondaxa shima ashike ladiminwa ko cabinet ya  Israeli.

Oo eli omupresident wa US Joe Biden, okwati ota otashi hafifa eshi oita mo Gaza, taimono  exulilo opo oshiwana shapumbwa omakwafelo sha Palestine,  shidule okuyambididwa naavo vakala vatulwa meemango vahangane vali novapambele vavo.

Oo eli omuprima minsiter wa Israeli, Benjamin Netanyahu okwati eudafano twokumwe laxuuninwa natango opo tali potokononwa,  ashike okwa ulika olupandu laye komuprsident  Biden, eshi axwaxwameka eenghendabala doku hanga ombili.

Omuwiliki wongudu yo Hamas Khalil al-Hayya yee okwati etokolo lavo lokuhanga eenghendabala dombili ola etififwa koshiwana shova Palestine osho shahala okuliyambulapo.

Oshiwana shihapu shova  Palestine na Israeli okwa lopotwa sha ulika ehafo noku tambulako onghundana iwa yokuxulifapo oita mo Gaza.

Omuvalu wovanhu vedulife po 46,700  ovadipaelwa mo Gaza okudja nghene oita yahovelele omanga ovanhu vefike pee million 2.3 vafininikwa keenghalo okutembukamo meenele davo.