Omukainhu omukwashiwana wa Zambia ahangwa noipongolo yomushamane waye meumbo lavo

Omukainhu eli omukwashiwana wa Zambia mo Lusaka oo taku lopotwa ahangwa noipongolo yomushamane waye kwali,  okweli kala kutya oye adipaya omushamane waye.

Eelopota doikundaneki moshilongo osho  oda ulika kutya, omukulukadi oo atumbulwa nedina kutya oye Sylvia Mutoba Kalaba,  okwa hangwa noipongolo yomushamane waye  George Kalaba nota popi kutya omushamane waye okwa xulifile koupyakadi wo  asmatic telikale kutya oye emudipaya.

Tahokolola pefimbo ahokoka komesho yopolifi, okwati  okwa kala atuvikila oipongolo yo mushamane opo shimukwafele moku ninga oikumwifalonga,  molwaashi okuli omuprofeti ngaashi shili elombwelo olo apewa komukomesho waye wopamepo oo tati okuli omukwashiwana wa Tazania.

Okwati okwa kwafela ovanhu vahapu ovo vakala nokuya kuye oku konga omakwafo ouhaku okupitila momailikano.

Oshiningwanima osheya poluhaela konima eshi oo eli omumwaina mati wanakufya ekeshi lopotako kopolifi,  shalandula eshi omukulukadi akala nokwaanyena ovapambele vomushamane  okuya meumbo oku talelapo  omumwaina osho tavati ova kala nokushi kendabala  pokati ka July 2023 na  January 2025.

Opolifi otakutiwa eshi yafininika okuya meumbo oye kelitwa moipongolo yomushamane oo taku feekelwa kutya okwa xulifa konima yomido dili mbali dapita.

Omukulukadi  Sylvia Kalaba ena omido 51, opamwe nounona vaye veli va 3 veli pokati komido 15-27 otakulopotwa vamangwapo kopolifi shinasha noshiningwanima.

Opolifi oya lopota yakufako oipongolo oyo  noku kaningilwa omakonaakono oku talika kutya oshike osho shali sha etififa efyo la George Kalaba. Ovafeekelewa oveli natango metonatelo lopolifi yoshilongo osho.