Minister Kalumbi Shangula a tumbaleke omukokoli presitend omolwa ekuthombinga lye muuhaku

Ominista yuuhaku Dr Kalumbi Shangula okwa tumbaleke omukokoli-presitend Dr Sam Nujoma omolwa omakuthombinga ge komilandu dhuuhaku moshilongo okuza pemanguluko lyoshilongo.
Ta popi poshituthi dhimbuluko shomukokoli metiyali,,Shangula okwa holola nkene Nujoma eetapo o Primary Health Care policy,ndjoka ya pala ondjila yo Universal Health Coverage.
Ta dhenge omuthindo kutya omukankalandu nguka ogweetitha omanawapalo omahwepo miimetitho yuuhaku womaso goku pulumutha nomaso gaanona.
Shangula tati okwa tsakanene na Nujoma lotango mo 1974 mo Lusaka sha Zambia.
Nokonima yemanguluko okwa longa ontega na Nujoma onga ondohotola ye yopaumwene,noku kala teende naye okuya komahala ga yooloka meni nopondje yoshilongo.