Tatekulu Hifikepunye Pohamba okwati okwa kanifa eume laye

Oo ali nale omupresident woshilongo tatekulu Hifikepunye Pohamba okwati okwa kanifa eume laye, omuleli woshiwana nokwali omukokoli  president.

Pohamba, oo ali tapopi pefimbo loshivilo dimbuluko shomukokoli Nujoma,  osho sha ningilwa momukunda  Etunda tauhangwa moshikandjo hoololo sha Okahao,  okwati voo na Nujoma ova shakena konima yomido 63 da kapita vashakena mo  Angola.

Pohamba tahokolola nghene elixula oshikando sha xuuninwa okumona  omukokoli Nujoma, pefimbo ali atambulilwa moshipangelo mo Windhoek konima yoivike ili 2 yakapita, osho tati oshemweetela omadilongo kutya keshe shimwe ota shidulu oku holokapo.

Okwati omukokoli Nujoma nande katumuna vali ashike oilonga pondoli oyo alonga ota ikalapo alushe oku mudimbuluka.

Okwa pula oshiwana shilonge moukumwe umwe noku yukifa Namibia mondjodi oyo yali yafanekelwa oshilongo ku Nujoma.