Aanilonga yaali yo Namwater ya hulitha sho ya tyokwa omanga yeli miilonga ohela ko Kavango West

Aanilonga yaali yehangano lyo Namwater oya hulithile poshiponga,sho ya tyokwa kolusheno komukunda Nankudu moshitopolwa Kavango west ohela.

Omunambelewa gopolisi moshitopolwa Chief Inspector Raimbert Muronga okwa koleke oshiningwanima,tati osha holoka lopotundi onti 14h58 ko Nankudu Riverbank,sho kwali taya kambadhala oku pangela eshina ndyoka hali pombo omeya okuza momulonga okuya koshigwana.

Oonakusa ayehe aa Namibia ,oya tongololwa kutya o Shilemba Paulus Matheus,omukalimo gomomukunda Nankudu,na Martin Lirumbu Maseke,omukalimo gomomukunda Kahenge.

Omanga moshiningwanima sha yooloka,metitatu,omulongiskola omukiintu gomimvo 40 a  hulitha sho a tyokwa omanga kwali tiiyogo ko Siruwo Guest House,moka kwali eli moshigongiilonga shinasha nelongo.

Omakonakono gopolisi otaga tsikile.